Música feminista para combater a corentena

Dende Cativa creamos unha playlist de Spotify de música feita por mulleres combativas de tódolos xéneros e estilos musicais

O confinamento obríganos a quedar na casa e para que loitedes contra o aburrimento deixámosvos unha escolma de cancións en forma de playlist con música feminina e feminista. Queremos facer un pouco máis amena esta tempada que semella que se vai prolongar. A playlist Música feminista para combater a corentena é tamén vosa así que agardamos que vos animedes a compartir connosco as vosas cancións feministas feitas por mulleres preferidas para engadilas.

Estade atentxs, nos vindeiros días iremos deixándovos máis recomendacións para que a cuarentena sexa máis levadeira. Dende Cativa pedímosvos que quededes na casa aquelxs que poidades e que axudedes a facer máis sinxelo o traballo a aquelxs que teñen que traballar. Sede responsables, esta loita tamén a imos gañar!